Հետորովայնային տիրույթի ուռուցքներից են այնպիսի նորագոյացությունները, որոնք զարգանում են արյունատար և լիմֆատիկ անոթներից, բջջանքի, նյարդային հյուսվածքի տարրերից:
Հետորովայնամզային մեծածավալ պոլիկիստոզ ուռուցքները կազմում են մարդու օրգանիզմում հանդիպող բոլոր նորագոյացությունների 1,0%-ից ոչ ավելին:
Տարբեր հետազոտողների տվյալներով՝ հետորովայնամզային մեծածավալ պոլիկիստոզ ուռուցքների 60-85%-ը չարորակ է: Ոչ օրգանային հետորովայնամզային սարկոմաների դեպքում, եթե առկա է մետաստազների 30%-ը չգերազանցող ոչ մեծ հակվածություն, դրանք կարող են կրկնվել: Մոտավորապես 50% դեպքերում դա ի հայտ է գալիս արմատական վիրաբուժական բուժումից հետո առաջին 12-18 ամիսների ընթացքում: Նույն՝ 50%-ի սահմանում է տատանվում նաև արմատական վիրաբուժական բուժումից հետո ոչ օրգանային հետորովայնամզային սարկոմաներով տառապող հիվանդների 5 տարվա փրկության ցուցանիշը:
Տվյալ պաթոլոգիայի բուժման միակ արմատական մեթոդը եղել և մնում է վիրաբուժականը: Պետք է նշել, որ ոչ օրգանային հետորովայնամզային սարկոմաների դեպքում ստանդարտ օպերատիվ միջամտություն չկա: Նման վիրահատություն կատարող վիրաբուժական անձնակազմը պետք է հավասարապես տիրապետի որովայնի խոռոչի և հետորովայնային տիրույթի բոլոր օրգանների, անոթների հետ աշխատանքի հմտություններին: Միայն բարձր որակավորմամբ վիրաբույժները կարող են իրենց թույլ տալ կատարել նման միջամտություններ և միայն նույն մակարդակի անեսթեզիոլոգների և ռեանիմատոլոգների ներկայությամբ:
Ներկայացվող հետորովայնամզային պոլիկիստոզ հսկա ուռուցք ունեցող հիվանդի վիրահատությունը կատարում է «Մեդլայն» ԲԿ-ի գլխավոր բժիշկ, վիրաբույժ, ուռուցքաբան, բ.գ.թ. Գագիկ Վաղարշակի Թունյանը։
