Ուկրաինայում ՆԱՏՕ-ի զորավարժություններին ծրագրվում է ներգրավել մոտ 600 փրկարարի և 200 միավոր տեխնիկա աշխարհի 30 երկրից՝ հայտնում է korrespondent.net-ը: Այս մասին հայտնել է Ուկրաինայի արտակարգ իրավիճակների արձագանքման դեպարտամենտի տնօրեն Գրիգորի Մարչենկոն Ուկրաինայի Արտակարգ իրավիճակների հարցերով պետական ծառայության և Քաղաքացիական բնույթի արտակարգ իրավիճակների արձագանքման հարցերով եվրաատլանտյան համակարգման կենտրոնի Ukraine-2015 համատեղ միջազգային զորավարժությունների վերաբերյալ ծրագրվող համաժողովի շրջանակներում:
«Միջոցառումը տեղի է ունեցել լիագումար նիստի ձևաչափով: Նիստի ժամանակ մասնակիցները քննարկել են հիմնական սցենարը, զորավարժությունների ժամանակացույցը, ներկայացրել մարզումների անցկացման ցուցումներ, քննարկել մասնակցության համար թիմերի ժամանման ժամանակային ցուցիչները»,- ասվում է Ուկրաինայի Արտակարգ իրավիճակների հարցերով պետական ծառայության մամլո ծառայության հաղորդագրության մեջ:
Մարչենկոն նշել է, որ քննարկման ընթացքում կողմերը ծրագրել են համատեղ զորավարժությունների անցկացումը:
Արտակարգ իրավիճակների արձագանքման հարցերով եվրաատլանտյան համակարգման կենտրոնի ղեկավար Գյունթեր Բրեթշնայդերի խոսքով՝ որոշ մասնակից երկրներ արդեն հայտարարել են մարզումներին իրենց թիմերի մասնակցության մասին, իսկ մնացած մասնակիցների հաստատումը սպասվում է ամենակարճ ժամկետներում:
