Եգիպտոսի ընդդիմության առավել ազդեցիկ գործիչներից մեկը՝ Փրկության ազգային ճակատի ղեկավար Մուհամմեդ Բարադեյը կոչ է արել երկրում բոյկոտել խորհրդարանական ընտրությունները, հայտնում է BBC-ի ռուսական ծառայությունը:
Խաղաղության Նոբելյան մրցանակի դափնեկիրը հիշեցրել է, որ արդեն կոչ է արել բոյկոտել 2010թ. ընտրությունները և հիմա կրկնում է կոչը, որպեսզի դարձյալ ուշադրություն գրավի Եգիպտոսում հաստատված կեղծ դեմոկրատիայի վրա:
Այս շաբաթ Եգիպտոսի նախագահ Մուհամմադ Մուրսին հայտարարել է երկրում խորհրդարանական ընտրությունների անցկացման մասին՝ հույս ունենալով դրանով վերջ դնել երկրում ստեղծված քաղաքական քաոսին: Սակայն ընդդիմության ներկայացուցիչները հայտարարել են, որ դրանով իսլամիստները ցանկանում են իշխանությունը պահել իրենց ձեռքում: