ՀՀՇ վարչության անդամ Երջանիկ Աբգարյանը մեզ հետ զրույցում անդրադարձավ մարդու իրավունքների պաշտպան Կարեն Անդրեասյանի առաջարկին, որ հարկավոր են փոփոխություններ ՀՀ ԸՕ-ում, որպեսզի նախագահի և ԱԺ պատգամավորի պաշտոնում ընտրելու և ընտրվելու իրավունք ընձեռվի նաև երկքաղաքացիներին, քանի որ առանց դրա, նրանց իրավունքները սահմանափակվում են:
Պարոն Աբգարյանը նախ հիշեցրեց, որ ՀՀ Սահմանադրությունը նախագահի պաշտոնում ընտրվելու համար պահանջում է ՀՀ 10, իսկ ԱԺ պատգամավորի համար` 5 տարվա քաղաքացիություն և ՀՀ-ում մշտական բնակության փաստ:
«Դա պարզապես, անթույլատրելի է: Այդպես հնարավորություն կտրվի օտար երկրի գաղտնի ծառայություններին իրենց գործակալներին դարձնել ՀՀ պաշտոնյա: Իսկ դա պարզապես անթույլատրելի է: Էլ չեմ ասում այն մասին, որ նման բարձր պաշտոն պետք է զբաղեցնի ՀՀ-ում բնակվող, ՀՀ խնդիրներին ծանոթ մարդը»,- պարզաբանեց պարոն Աբգարյանը: