Սինաի թերակղզու հյուսիսում գործող Եգիպտական ծայրահեղականները հավատարմության երդում են տվել ԴԱԻՇ-ի առաջնորդ Աբու Բակրու ալ-Բաղդադիին, հայտնում է TASS-ը:
«Անսար Բերտ ալ-Մակդիս» տեղական խմբավորման զինյալներն իրենց տեսաուղերձը
տեղադրել են սոցիալական ցանցերից մեկում:
Այդ ընդհատակյա կառուցվածքը դեռ նոյեմբերին էր հայտնել իր հավատարմությունը Ալ-Բաղղադիին, նրան ճանաչելով որպես «բոլոր մուսուլմանների խալիֆ» և անունը փոխելով «Սինայի վիլայեթ»: Այդ ժամանակ ահաբեկիչները սահմանափակվում էին Twitter-ում հաղորդագրությունների հրապարակումով:
Այժմ «Հպարտների հավատարմություն» անվանումով տեսանյութում ցույց է տրված, թե ինչպես զինվորական համազգեստով մոտ 10 մարդ երդում են տալիս իրենց «խալիֆին»: Նրանք Սինայի բնակչությանը կոչ են անում մտնելու իրենց շարքերը:
Եգիպտոսում կտրուկ սրվել է իրադրությունն անվտանգության ոլրտում: Առավել ծանր իրադրություն է հաստատվել Սինայի թերակղզու հյուսիսում, որտեղ արդեն զոհվել են հարյուրավոր զինծառայողներ և իրավապահ մարմինների աշխատակիցներ:
