«Հոմոֆոբիա» տերմինը (հունարեն homos՝ միանման և phobos՝ վախ) առաջացել է 1972 թվականին: Երևույթը, որ այսօր անվանում են հոմոֆոբիա, մինչ այդ հասարակական նորմ էր: Հոմոֆոբիա տերմինն առաջին անգամ օգտագործել է հոգեբան Ջորջ Վայնբերգը՝ նշելու համար հոմոսեքսուալիստների նկատմամբ իռացիոնալ վախը, արհամարհանքը և նրանց չընդունելը: Այս մասին հաղորդում է calend.ru-ն:
20-րդ դարը եղել է ամենահոմոֆոբային պատմական ժամանակաշրջանը. նացիստների կողմից գեյերի վտարում համակենտրոնացման ճամբարներ, խորհրդային ԳՈՒԼԱԳ-ներ, մաքքարթիզմի տարիների հետապնդումներ ԱՄՆ-ում և այլն: Շատ երկրներում դա շարունակվում է նաև այժմ: Երբեմն օրենքը նախատեսում է ցմահ բանտարկություն, իսկ որոշ երկրներում հոմոսեքսուալիստներին սպառնում է նույնիսկ մահապատիժ:
Մայիսի 17-ը որպես հոմոֆոբիայի դեմ պայքարի միջազգային օր նշելու գաղափարը հեղինակել է ֆրանսիացի գրող և գիտնական Լուի-Ժորժ Տենը: Նա պատահաբար չի ընտրել այդ օրը՝ 1990 թվականի հենց այդ օրը Առողջապահության համաշխարհային կազմակերպության գլխավոր ասամբլեան հոմոսեքսուալիստությունը բացառեց հոգեկան հիվանդությունների ցուցակից:
Տենը հույս է հայտնել, որ այդ օրը կօգնի դեպի լավը փոխելու այն մարդկանց կյանքը, ովքեր ավելի շատ ունեն դրա կարիքը: Այդ օրվա նպատակն է հակազդել ցանկացած ֆիզիկական, բարոյական և այլ բռնություններին սեքսուալ այլ կողմնորոշում ունեցող մարդկանց նկատմամբ:
