Հանրային ծառայությունների հանձնաժողովի նախագահ Ռոբերտ Նազարյանը մինչ կառավարության նիստին բարձրանալը, դռների մոտ շատ կարճ անդրադարձավ էլեկտրաէներգիայի սակագնի թանկացման քննարկումներին: «Առաջին լրատվական»-ի հարցին, թե Հանրային ծառայությունների հանձնաժողովը, որը նախատեսված է քաղաքացու շահերը պաշտպանելու համար, ինչու հօգուտ քաղաքացու երբեք որոշում չի կայացնում, արդարացավ, թե վերջին հայտը, որը ներկայացրել է ՀԷՑ-ը 15-17 դրամով թանկացնելու կապակցությամբ, դեռ ուսումնասիրման փուլում է, հայտը դեռ վարույթ չի ընդունվել: Մեր մյուս հարցին, թե որքանով է իր ղեկավարած կառույցը ծառայում իր նպատակին, ասաց. «Ժողովրդին հարցրեք»: Դիտարկմանը, թե ժողովուրդը դժգոհ է, արդարացավ.«Մեր կառույցն էնպիսի կառույց է, որ բոլորը դժգոհ են, զգայուն թեմա է»:
Ռոբերտ Նազարյանը խոսեց նաև սակագնի թանկացման պատճառների մասին:
Ավելին՝ տեսանյութում
