Եվրոպա թուրքմենական գազի փոխադրումների համար ծրագրվում է անդրազգային գազատարների բազմատարբերակ ենթակառուցվածքի ստեղծում: Trend-ի հաղորդմամբ՝ այս մասին ասել է Թուրքմենստանի նախագահ Գուրբանգուլի Բերդիմուհամեդովը Սլովենիա պաշտոնական այցի ժամանակ, ասվում է երկրի կառավարության հաղորդագրության մեջ:
«Թուրքմենստանի օրակարգում այսօր նաև եվրոպական վեկտորն է: Բառացիորեն օրերս Աշգաբադում տեղի է ունեցել քառակողմ հանդիպում, որին մասնակցել են Թուրքմենստանի, Ադրբեջանի, Թուրքիայի վառելիքա-էներգետիկ ոլորտների ղեկավարները, ինչպես նաև ԵՄ ներկայացուցիչները»,- հաղորդագրության մեջ մեջբերվում են Բերդիմուհամեդովի խոսքերը:
Նա նաև նշել է, որ այդ աշխատանքային բանակցությունների ընթացքում քննարկվել են «Եվրոպա թուրքմենական բնական գազի փոխադրումների առաջնահերթ առաջադրանքները, ինչը ենթադրում է անդրազգային գազատարների բազմատարբերակ ենթակառուցվածքի համատեղ ստեղծում»:
Որպեսզի թուրքմենական գազը հասնի եվրոպական շուկաներ, անհրաժեշտ է 300-կիլոմետրանոց գազատար կառուցել Կասպից ծովի հատակին: Հետո գազը կարող է ցամաքով փոխադրվել՝ Ադրբեջանով և Թուրքիայով: Այդ երկրները TANAP նախագծի շրջանակներում նախաձեռնում են համապատասխան էներգետիկ ենթակառուցվածքի ստեղծում:
