Եվրոգոտու երկրների տնտեսությունը 2015թ. առաջին եռամսյակում աճել է 0.4%-ով, ինչը վերջին 2 տարվա ամենաբարձր աճն է։ Այս մասին հայտնում է BBC-ի ռուսական ծառայությունը:
Հրապարակված տվյալները վկայում են այն մասին, որ վերջին տարվա ընթացքում եվրոգոտու երկրների տնտեսությունն աստիճանաբար արագանում է:
Այնուամենայնիվ, Գերմանիայի տնտեսության աճը չի արդարացրել վերլուծաբանների հույսերը՝ կանխատեսված 0.5%-ի փոխարեն՝ 2015թ. առաջին 3 ամսում Գերմանիայի տնտեսությունը աճել է միայն 0.3%-ով:
Իսկ Ֆրանսիայի տնտեսությունը 2015թ. առաջին եռամսյակում ցուցադրել է վերջին 2 տարվա աճի ամենաբարձր տեմպերը։ Ֆրանսիայի ազգային վիճակագրական ու տնտեսական հետազոտությունների ինստիտուտի տվյալներով՝ 2015թ. առաջին 3 ամսում աճը կազմել է 0.6%:
