Իսրայելի միջկրոնական հարաբերությունների հարցերով հրեական կոալիցիան (IJCIR) դատապարտել է Երուսաղեմում հայ հոգևորականության դեմ ատելության ու մոլեկրոնության վերջին դրսևորումները։ Այս մասին հայտնում է Asbarez-ը։
«Մենք անմեղ հայ հոգևորականների դեմ բռնության շարունակական դրսևորումների դադարեցմանն ուղղված անհապաղ ուշադրության ու գործողության կոչ ենք անում»,-ասվում է հայտարարության մեջ։
«Երուսաղեմի հին քաղաքում թքելու, բղավելու և գրաֆիտիի դեպքերը տեղ չունեն Սուրբ հողում գտնվող մեր հրեական ժողովրդավարական պետությունում»,- ասվում է հայտարարությունում։ «Այդ անճոռնի, անհանդուրժելի գործողությունները խախտում են Իսրայելի և հուդայականության հիմնարար արժեքները և դավաճանում մեր գաղափարին, որ բոլոր մարդիկ ստեղծված են Աստծո պատկերով։ Եվ քանի որ նրանք ստեղծված են աստվածային պատկերով, բոլոր մարդիկ սուրբ են, և պետք է վերաբերվել արժանապատվությամբ ու հարգանքով»,- ասվում է հայտարարությունում։
Հայտարարությունում ասվում է նաև. «Որպես հրեաներ՝ մենք հատուկ պարտավարություն ունենք մեր հասարակության մեջ օտարին չճնշելու համար»։
Կոալիցիան պահանջել է, որպեսզի ոստիկանությունը պատժի նման գործողություններ իրականացնողներին։
«Ծայրահեղականները, ովքեր կատարում են այդ հանցավոր գործողությունները, ամոթ են բերում հրեա ժողովրդին, Իսրայել պետությանը, Երուսաղեմ քաղաքին, նրա կառավարությանն ու քաղաքականությանը։ Մենք այժմ պետք է գործենք՝ ապահովելու մեր հասարակության կայունությունն ու պահպանելու Սուրբ քաղաքի և Իսրայել պետության հիմնարար արժեքները»,- ասվում է հայտարարությունում։
