Այսօր Եգիպտոսի նախագահ Հոսնի Մուբարաքի որդիները` Ալան և Գամալը, տեղափոխվել են Կահիրեի բանտերից մեկը` «Թարա»: Այս մասին հաղորդել է տեղի հեռուստատեսությունը: Մոտակա ժամերին կշարունակվի նրանց հարցաքննությունը, որը նախօրեին սկսվել էր Շարմ Ալ-Շեյխում, որտեղ նրանք գտնվում էին իրենց հոր հետ:
Մուբարաքն այս պահին դեռ շարունակում է գտնվել Շարմ Ալ-Շեյխի հիվանդանոցներից մեկում, ուր նա տեղափոխվել էր սրտի նոպայի պատճառով, որը սկսվել էր հարցաքննության ժամանակ: Բժիշկներն արգելել են նրա տեղափոխումն առնվազն առաջիկա մեկ շաբաթվա ընթացքում:
Հիշեցնենք, որ Մուբարաք ընտանիքի անդամների դեմ հարուցվել է քրեական գործ, որով նրանք մեղադրվում են կոռուպցիայի, ինչպես նաև հունվար-փետրվար ամիսներին հակակառավարական ցույցերի մասնակիցների սպանության մեջ: Al-Ahram-ի փոխանցմամբ` մոտ օրերս Մուբարաքը կտեղափոխվի Կահիրեի զինվորական հոսպիտալ, որտեղ նա երկու շաբաթ շարունակ բուժումներ կստանա:
