Թուրքիայի նախագահ Ռեջեփ Թայիփ Էրդողանը որպես նախագահ առաջին այցն է կատարել Գերմանիա՝ փորձելով հունիսին կայանալիք խորհրդարանական ընտրություններին ընդառաջ համախմբել Գերմանիայում բնակվող թուրքերի ձայները հօգուտ իշխող՝ «Արդարություն և զարգացում» կուսակցության։ Այս մասին հայտնում է Today`s Zaman-ը։
Կիրակի Կարլսրուե քաղաքում կայացած ելույթի ժամանակ նա անուղղակիորեն քննադատել է քրդամետ Ժողովրդադեմոկրատական կուսակցությանը, որին մեծապես աջակցում են Գերմանիայի էթնիկ քրդերը։ Էրդողանը կոչ է արել Գերմանիայում բնակվող թուրքերին չհավատալ քրդամետ կուսակցությանը՝ ասելով, որ նրանց սերը կեղծ է։ «Մարդկանց սպանողները կարո՞ղ են սեր զգալ»,- ասել է Էրդողանը՝ կապ ուրվագծելով Ժողովրդադեմոկրատական կուսակցության և PKK-ի միջև։ «Նրանց սերը կեղծ է, մի հավատացեք դրան, նրանք չեն կարող սիրել…»։
Պաշտոնական տվյալներով՝ Գերմանիայում բնակվում են մոտ 1.5 մլն Թուրքիայի քաղաքացիներ։
Գերմանիայից հետո Էրդողանը կուղևորվի Բելգիա։
