Հայտնի երգչուհի Մայլի Սայրուսը արևմտյան հրատարակությանը տված հարցազրույցում խոստովանել է, որ իրեն երջանիկ է զգում՝ չնայած Պատրիկ Շվարցենեգերից բաժանմանը, գրում է viva.ua-ն:
Ոչ վաղ անցյալում էր, որ ԶԼՄ-ները գրում էին այն մասին, որ Մայլի Սայրուսը և Պատրիկ Շվարցենեգերը պատրաստ են հարսանիքի և լրջորեն մտածում են այդ մասին: Սակայն ամեն ինչ փոխվեց կայծակնային արագությամբ, և Առնոլդ Շվարցենեգերի որդու կապերը այլ աղջիկների հետ շուտով պատճառ դարձան հայտնի զույգի բաժանմանը:
Օրերս Մայլի Սայրուսը արևմտյան հրատարակությանը տված հարցազրույցում անկեղծորեն խոստովանեց, որ վայելում է իր ազատությունը: «Մտածում եմ, որ հասարակության մեջ հարկավոր է հաճախ ասել այն մասին, որ միայնակ լինելը նորմալ է»,- ասել է փոփ-աստղը:
