Հանցագործ աշխարհում հայտնի «օրենքով գող» Գևորգ Մելիքյանը, ով հայտնի է «Օշականցի Գևորիկ» մականունով, այսօր` ապրիլի 13-ին երկու ամսով կալանավորվել է: «Առաջին լրատվական»-ին երեկ հաջողվել էր պարզել, որ «օրենքով գողը» բերման էր ենթարկվել նախօրեին Երևան-Աշտարակ մայրուղու մոտ գտնվող բենզալցակայում։ Նրա մոտ հայտնաբերված 6.2 գրամ ափիոնանման զանգվածը ուղարկվել է փորձաքննության։
Այսօր կայացած դռնփակ դատական նիստը Երեւանի Կենտրոն եւ Նորք Մարաշ վարչական շրջանների առաջին ատյանի դատարանում նախագահել է դատավոր Մխիթար Պապոյանը: Ֆոտոլրագրող Գագիկ Շամշյանի տեղեկացմամբ` դատարանը որոշել է «օրենքով գող» «Օշականցի Գևորիկի» նկատմամբ որպես խափանման միջոց ընտրվել երկամսյա կալանքը:
Լուսանկարները՝ Գագիկ Շամշյանի