Apple կորպորացիան ցանցի արտոնագիր է ստացել, որը մարդկանց կմիավորի նրանց կենսակերպի հիման վրա, հայտնում է Patently Apple-ը: ԱՄՆ Արտոնագրային բյուրոն հրապարակել է դեռևս 2013թ. վերջին կորպորացիայի ներկայացրած հայտը:
Փաստաթղթերի համաձայն՝ Apple-ը ծրագրում է սոցցանց թողարկել, որը կմիավորի մարդկանց ըստ աշխարհագրական դիրքի և օգտատիրական ակտիվության, այսինքն՝ այն տեղեկություն կհավաքի մարդու տեղաշարժերի, նրա գնումների, որոնման պատմության, սարքում ներբեռնված հավելվածների մասին: Հետո օգտատերերին կառաջարկվի շփվել մարդկանց հետ, որոնք նրանց մոտ են ապրում, նույն գործերով են զբաղվում:
Հայտում ասվում է, որ մարդիկ սոցցանցերում չեն կիսվում իրենց աշխատանքի, իրենց ամենօրյա գործերի, տեղափոխությունների մասին տեղեկությամբ, քանի որ դրանք համարում են քիչ հետաքրքիր իրենց ընկերների համար: Նոր սոցիալական ցանցի կառուցվածքի սկզբունքը կլինի առանց օգտատիրոջ մասնակցության մարդկանց խմբերով միավորելը, բայց միաժամանակ, սոցցանցը նրանց անանուն մնալու իրավունք կտա:
