ԱՄՆ նախագահ Բարաք Օբաման Երկրորդ համաշխարհային պատերազմում Գերմանիայի դեմ տարած հաղթանակի կապակցությամբ հարգել է Եվրոպայում զոհված 40 մլն մարդու հիշատակը և կոչ արել թույլ չտալ անհանդուրժողականություն, անհամբերություն և ատելություն:
«Եկեք միասնական լինենք Եվրոպայում մեր դաշնակիցների հետ ու դրա սահմաններից դուրս մեր ընդհանուր արժեքների՝ ամբողջ աշխարհում ազատության, անվտանգության, դեմոկրատիայի, մարդու իրավունքների և ամբողջ աշխարհում օրենքի գերակայության հետաքրքրության շրջանակում, դեմ լինենք անհանդուրժողականությանն ու ատելությանը՝ իրենց բոլոր դրսևորումներով, որպեսզի իմաստավորենք «Երբեք չենք մոռանա: Այլևս երբեք» երդումը»,- հայտարարել է Օբաման:
«Հաղթանակի օրը՝ նացիստների կապիտուլյացիայից հետո, մարդիկ լցրեցին Լոնդոնի, Փարիզի ու Մոսկվայի փողոցները, և վախի ամպը, որը երկար տարիներ կախված էր մնում, ցրվեց…
Դաժան մարտերը, որոնք ձգվում էին ավելի քան 5 տարի, դատարկեցին մի ամբողջ մայրցամաք: Մայրերը, հայրերը, երեխաները սպանվեցին համակենտրոնացման ճամբարներում: Այն պահին, երբ Եվրոպայում լռեցին թնդանոթները, մոտ 40 մլն մարդ մայրցամաքում սպանվել էր»,- ասել է Օբաման:
