Անգլիական ֆունտը կտրուկ աճում է Մեծ Բրիտանիայում խորհրդարանական ընտրություններում պահպանողականների հաղթանակի ֆոնին` գրում է The Guardian-ը: Թերթը նշում է, որ ֆինանսական շուկաները ողջունում են երկրի գործող վարչապետ Դևիդ Քեմերոնի հաջողությունը՝ չնայած ԵՄ անդամակցության վերաբերյալ հանրաքվեի և Շոտլանդիայի անկախության հարցի հետ կապված մտավախություններին:
Նշվում է, որ անգլիական ֆունտն ամերիկյան դոլարի համեմատ ամենաարագն է թանկացել 2009 թվականից ի վեր:
Հինգշաբթի օրը, ժամը 22:00-ին, էքզիթ-պոլի արդյունքների հրապարակումից հետո ֆունտը 1%-ով աճել է: Երբ ընտրությունների նախնական արդյունքները հաստատել են պահպանողականների հաղթանակը, երկրի ազգային արժույթը շարունակել է աճել և թանկացել 2.5 ցենտով՝ մինչև 1.55 դոլար: Դա ամենաբարձր ցուցանիշն է երկու ամսում: Եվրոն ֆունտի համեմատ նվազել է 1.54 պենսով՝ մինչև 72.46։ Այս մասին հայտնում է The Independent-ը:
