«Թուրքական հոսք» գազատարի շահագործումը կսկսվի 2016 թ. դեկտեմբերին: TASS-ի հաղորդմամբ՝ այս մասին հայտարարել է «Գազպրոմի» ղեկավար Ալեքսեյ Միլլերը, որի խոսքերը մեջբերում է գազային հոլդինգի մամլո ծառայությունը:
«Պայմանավորվածություն է ձեռք բերվել (Ռուսաստանի և Թուրքիայի միջև) «Թուրքական հոսքի» շահագործման հանձնումը և գազի փոխադրումները 2016 թ. դեկտեմբերին սկսելու վերաբերյալ: «Գազպրոմը» «Թուրքական հոսք» նախագծի հարցում իր աշխատանքի գրաֆիկում կելնի այսօր ձեռք բերված պայմանավորվածություններից»,- ասել է Միլլերը Թուրքիայի էներգետիկայի և բնական ռեսուրսների նախարար Թանել Յըլսըզի հետ իր հանդիպման արդյունքներով:
Միլլերը և Յըլզըզը նաև քննարկել են Թուրքիա ռուսական գազի փոխադրման հարցը և «Կապույտ հոսք» գազամուղի արդիականացումը:
2014 թ. դեկտեմբերի 1-ին «Գազպրոմը» և թուրքական Botas ընկերությունը Ռուսաստանից Թուրքիա Սև ծովով գազատարի շինարարության վերաբերյալ փոխըմբռնման հուշագիր են ստորագրել: Դրա հզորությունը կկազմի 63 մլրդ խմ, որից մինչև 47 մլրդ խմ-ը կփոխադրվի թուրք-հունական սահմանին նոր գազային հանգույց:
