Ամերիկյան Ֆլորիդա նահանգում կինը ոստիկանություն է կանչել պիցցայի առաքման հավելվածի միջոցով։ Դա տեղի է ունեցել այն ժամանակ, երբ ամուսինը նրան սպառնացել է դանակով։ Այս մասին հայտնում է ABC News-ը։
25-ամյա Շերիլ Տրեդուեյը լրջորեն վիճել է իր երեք երեխաների 26-ամյա հոր հետ։ Էթան Նիկերսոնը խլել է նրանից հեռախոսն ու սկսել սպառնալ դանակով։
Տևական վեճից հետո նրան հաջողվել է համոզել Նիկերսոնին, որ երեխաները ցանկանում են ուտել և պետք է պիցցա պատվիրել, քանի որ տանից դուրս գալ չէր կարելի։ Հավելվածում նա թողել է 911hostagehelp (ոստիկանություն, պատանդ, օգնեցեք) հաղորդագրությունը, որը նկատվել է Pizza Hut-ի աշխատակիցների կողմից։
«Արդեն 28 տարի աշխատում եմ այստեղ և երբեք նման բան չեմ տեսել։ Ես անմիջապես զանգահարեցի ոստիկանություն»,- ասել է ռեստորանի մենեջեր Քենդի Հեմիլթոնը։
Երբ ոստիկանները եկել են տուն, կնոջը հաջողվել է փախչել երեխաներից մեկի հետ։
Նիկերսոնի դեմ առաջադրվել է զենքով հարձակման, առևանգման ու արդարադատության մարմինների ժամանմանը խոչընդոտելու մեղադրանքներ։
