ԱդրբեջանականApa լրատվական գործակալությանփոխանցմամբ, Ադրբեջանի նախագահ Իլհամ Ալիևը, ելույթ ունենալով Նախարարների խորհրդի նիստում, անդրադարձել է Լեռնային Ղարաբաղի հիմնախնդրին.
«Այդ հարցում մեր դիրքորոշումը չի փոխվել. այն պետք է ամբողջովին լուծվի միջազգային իրավունքի նորմերի շրջանակում: Եվս մեկ անգամ ցանկանում եմ ընդգծել, որ Ղարաբաղին անկախություն տրամադրելն անհնար է թե´ հիմա, թե´ հետագայում: Դա չի հանդիսանում և չի հանդիսանալու մեր բանակցությունների թեման:
Ինչ վերաբերում է այս տարվա առաջին եռամսյակում ԵԱՀԿ դաշտային առաքելության զեկույցին, ապա մենք վաղուց էինք տեղյակ դրանում տեղ գտած արդյունքների մասին: Սակայն ուշագրավն այն է, որ դրանում անթույլատրելի էր համարվում «օկուպացված» շրջաններում արհեստականորեն վարչական սահմանների փոփոխությունը: Այդ պահանջն անմիջականորեն ուղղված էր Հայաստանին: Մենք քաջատեղյակ ենք, որ տեղական իշխանությունները գործում են Հայաստանի ցուցումով:
2005 թվականի հաշվետվության համեմատ` այս հաշվետվությունում նշվել է «օկուպացված» տարածքներում «ապօրինի» բնակեցման քաղաքականության մասին: Դա, մասնավորապես, վերաբերում է Բերձորի (Լաչին) և Քարվաճառի (Քելբաջար) շրջաններին:
Դրանցում գրանցվել է «ապօրինի» բնակեցման 14.000 փաստ, այսինքն այդ շրջաններում բնակվում են 14.000 մարդիկ, ովքեր այնտեղ «չպետք» է ապրեին:
Ադրբեջանը հանուն իմիտացիայի չի մասնակցի բանակցային գործընթացին: Դա է մեր կտրուկ որոշումը, և ստատուս-քվոն պետք է փոփոխության ենթարկվի»: