Քրիստինա Ագիլերան անցյալ տարվանից վաճառքի է հանել Բևերլի Հիլզում գտնվող իր շքեղ առանձնատունը:
Երգչուհին այդ առանձնատունը 2008 թ.ձեռք է բերել Օսբորններից՝ 11,5 մլն դոլարով: Այնուհետև դրա գինը բարձրացել է՝ հասնելով 13,5 մլն-ի: Ագիլերան առանձնատունը վաճառքի է հանել ամուսնալուծությունից անմիջապես հետո:
Տան բոլոր սենյակներում առկա է վարդագույն կամ կարմիր երանգը: Այն ունի 6 ննջարան, 9 լոգարան, ինչպես նաև՝ ֆիթնեսի համար նախատեսված սրահ, խաղասրահ, տնային կինոթատրոն, հագուստի համար նախատեսված հսկայական սենյակ, նույնիսկ նվերների փաթեթավորման համար հատուկ սենյակ: Եվ, իհարկե, երգչուհու տրամադրության տակ են լողավազանն ու սպան:
Անձամբ Քրիստինային այս ամենը բավարար չէ, երգչուհին այժմ առավել շքեղ առանձնատուն է փնտրում:
