Հանգուցյալ փոփ արքա Մայքլ Ջեքսոնի ավագ որդին՝ 16-ամյա Փրինս Մայքլ Ջոզեֆ Ջեքսոնը, իր դեբյուտն է արել որպես Entertainment Tonight (ET) հեռուստաալիքի թղթակից: Այս մասին հայտնում է CNN հեռուստաալիքը:
Տղան լրագրողական դասընթացներ է անցել և գրել իր առաջին հարցազրույցը 2013-ին թողարկվելիք ամերիկացի գրող Լայմեն Ֆրենկ Բաումի «Զարմանալի հրաշագործը Օզ երկրից» հայտնի հեքիաթի անիմացիոն ռիմեյքի թեմայով: Հարցազրույցն այս շաբաթ մի քանի անգամ կցուցադրվի հեռուստաալիքով:
Հեռուստաալիքի ներկայացուցիչ Բրուք Անդերսոնը, որը երիտասարդ Ջեքսոնին հեռուստալրագրության դասեր է տվել, հայտնել է, որ նա ցանկանում է լավ պրոդյուսեր, ռեժիսոր, սցենարիստ և դերասան դառնալ: Տղան անձամբ խոստովանել է, որ չի կարող երգել և պարել այնպես, ինչպես իր հայրը:
Թեև չափահասության հասնելով նա կստանա հոր ժառանգության մի մասը, սակայն նա ցանկանում է ինքնուրույն գումար վաստակել:
