Լրագրողները Հունաստանում 24-ժամյա գործադուլ են անում: Այս մասին հայտնում են մամուլի գլխավոր արհմիությունները: Կառավարությունը բողոք է արտահայտել՝ հայտարարելով, որ քաղաքական նկատառումներից ելնելով՝ լրագրողները անտեսում են լուրերը, մասնավորապես՝ երեքշաբթի օրը սպասվող Ֆրանսիայի նախագահ Ֆրանսուա Օլանդի այցը Հունաստան:
Լրագրողները պահանջում են աշխատանքային համագործակցության պայմանագիր ստորագրել: Նրանք պահանջում են նաև երաշխավորել նվազագույն աշխատավարձը, պետական մամուլում կրճատումներ չլինեն, լրագրողներին ներառել համապետական ապահովագրական համակարգի մեջ,- հաղորդում է Ria Novosti-ն:
Կառավարության պետական ներկայացուցիչ Սիմոս Քեդկողլուն լրագրողներին մեղադրել է այն բանում, որ հատուկ են ցույցը սկսել նախատեսվածից մեկ օր առաջ: Ըստ նրա՝ լրագրողներն իրականացնում են խորհրդարանական ընդդիմության՝ SIRIZA-ի ծրագիրը: