Ավիացիոն Airbus հսկան հայտարարել է, որ դատարան է դիմում այն հաղորդագրությունների պատճառով, որ Գերմանիայի Դաշնային հետախուզական ծառայությունը լրտեսել է եվրոպական երկրներին ու ընկերություններին ԱՄՆ Ազգային անվտանգության գործակալության խնդրանքով:
Airbus-ի մամլո ծառայությունում հայտնել են, որ իրենք կասկածներ ունեն արդյունաբերական լրտեսության մասին, ու ընկերությունը պատրաստ է դիմել դատարան:
Գերմանիայում սկանդալ առաջացավ այն բանից հետո, երբ Sueddeutsche Zeitung-ի ու NDR-ի ռադիոկայանները հայտնել են, որ լրտեսվել է ԱՄՆ նախագահի գրասենյակը, Ֆրանսիայի ԱԳՆ-ն, ինչպես նաև Եվրահանձնաժողովը՝ ԱՄՆ հետախուզության խնդրանքով:
Airbus-ը հայտարարել է, որ բացատրություններ ստանալու նպատակով արդեն դիմել է Գերմանիայի կառավարությանը:
«Մենք տեղյակ ենք, որ խոշոր ընկերությունները, ինչպիսին մերն է, եղել են լրտեսների թիրախ»,- ասվում է Airbus-ի հայտարարության մեջ:
Գերմանական մամուլում հաղորդվում է, որ Airbus-ը եղել է այն ընկերություններից մեկը, որին լրտեսել են:
