ԱՄՆ իշխանությունները ներդրել են քաղաքացիական ինքնաթիռների թռիչքների վերահսկման նոր համակարգ, որն արդեն փաստացի գործում է երկրի ողջ տարածքում։ Այս մասին հայտնել է Ավիացիոն դաշնային վարչության ղեկավար Մայքլ Ուերտան՝ փոխանցում է RIA Novosti-ն։
Նրա խոսքով՝ նոր համակարգի աշխատանքը հիմնված է տիեզերական արբանյակներից տեղեկատվության ստացման վրա։ Մոտ մեկ ամիս առաջ համակարգը տեղադրվել է ողջ երկրի 20 դիսպետչերական կետերում։ Դրա ներմուծումը թույլ կտա ավիաընկերությունների ուղևորահոսքն առաջիկա 20 տարում մեծացնել 50 տոկոսով։ Դա կստացվի շնորհիվ այն բանի, որ ավիադիսպետչերները կկարողանան հետևել ավելի զգալի թվով ինթնաթիռների։ Վերահսկվող տարածքի մասշտաբները նույնպես կմեծանան։
Նոր համակարգի արժեքը կազմում է 2.5 մլրդ դոլար։ Իր հերթին ԱՄՆ տրանսպորտի նախարար Էնթոն Ֆոքսն այդ համակարգն անվանել է «ամենաանվտանգն աշխարհում»։
