Իսպանիայի թագավորի փեսայի նախկին գործընկեր Դիեգո Տորեսը դատարան է ներկայացրել նամակ, որի օգնությամբ փորձում է կոռուպցիոն բնույթի գործում ներքաշել թագավոր Խուան Կառլոս I-ին,- հայտնում է իսպանական EFE գործակալությունը:
Ներկայացված փաստաթղթերի շարքում կան մի քանի էլեկտրոնային նամակներ, որոնցում հիշատակվում է Իսպանիայի թագավորի անունը՝ կապված Վալենսիայում առագաստանավերին նրա հովանավորությանհետ, ինչպես նաև ասվում է այն մասին, որ միապետի ընկերուհին՝ գերմանացի արքայադուստր Կորինա Սայն Վիթգենշտեյնը, ինչ-որ աշխատանաքային առաջարկ է արել թագավորի փեսային՝ Ինյակի Ուրդանգարինին(2004 թ.): Արքայադուստրը բացատրում է առաջարկի էությունը, համաձայն որի՝ նրան առաջարկվում է համաշխարհային մարզական Fundacion Laureusմիավորման իսպանական մասնաճյուղի նախագահի պաշտոնը:Այդ մասնաճյուղում նախատեսվում էր ստեղծել հատուկ ենթակառուցվածք՝ կոմերցիոն գործունեության և բարեգործության համադրությամբ, ինչը նրան կբերեր տարեկան 200 հազար եվրո եկամուտ:
2005 թվականի հունվարի նամակում Ուրդանգարինը նրան է փոխանցում իր բանկային հաշվեհամարն ու հայտնում առաջարկն ուսումնասիրելու մասին:
Տորեսը ներկայացրել է նաև մի քանի նամակներ, համաձայն որոնց՝ արքայադուստր Քրիստինանիբր հանդիսանում է Noos ինստիտուտի ղեկավարման անդամ:
Ուրդանգարին, որը Քրիստինայի ամուսինն է, և նրա նախկին գործընկեր Տորեսը մեղադրվում են Noos ինստիտուտի միջոցով պետական միջոցներից 5.8 մլն եվրո յուրացնելու մեջ:
