Ամերիկացի գիտնականների վերջին բացահայտման համաձայն՝ բժշկական ախտորոշում անելու համար կարելի է օգտագործել Twitter-ը: University of Rochester-ից մասնագետներն ալգորիթմ են մշակել, որն առանձնացնում է առողջ և հիվանդ մարդու գրած թվիթները:
Հետազոտության ղեկավար Ադամ Սեդիլեկն ասել է. «Twitter-և և մյուս տեխնոլոգիաները, որոնք մենք զարգացնում ենք, հնարավորություն են տալիս հետազոտություն անել արագ և էժան: Բավական է միայն կարդալ, թե ինչ են գրում մարդիկ՝ իմանալու համար նրանց առողջական վիճակի մասին: Սա նման է երեխայի նոր լեզու սովորելուն»:
Ադամը բացատրել է, որ նախ հավաքել են 5 000 թվիթ, որոնցից ալգորիթմը սկսել է ընտրել հիվանդության հետ կապված բառերն ու արտահայտությունները, փոխանցում է Yoki-ն:
Ներկայումս կատարվում են հետազոտություններ, որոնցում հետազոտողներն ուզում են ուսումնասիրել գրիպով հիվանդանալու վիճակագրությունը, ընկճախտի և այլ հոգեկան խնդիրների ի հայտ գալու վրա ազդող փաստերի մոնիթորինգ կատարել՝ օգտագործելով Twitter-ը:
