Այս ամառ Ուկրաինայում կարևորագույն կինոիրադարձություններից մեկի՝ Օդեսայի միջազգային 4-րդ կինոփառատոնի ժամանակ հետադարձ հայացք կնետվի Սերգեյ Փարաջանովի կյանքին ու ստեղծագործությանը։ Այս մասին, ինչպես փոխանցում է analitika.at.ua-ն, հայտնում են միջոցառման կազմակերպիչները:
Օդեսայի կինոփառատոն-2013-ի ծրագրում հատկանշական է Սերգեյ Փարաջանովի (1924–1990) մեծարումը: Փառատոնի շրջանակներում անդրադարձ կարվի կինեմատոգրաֆիստի բոլոր ֆիլմերին, ինչպես նաև՝ նրա մասին փաստագրական ֆիլմերին:
Հիմնական իադարձությունը կլինի լիամետրաժ «Փարաջանով» կենսագրական ֆիլմի ցուցադրումը: Այն նկարահանել է կիևցի ռեժիսոր Ելենա Ֆետիսովան՝ ծագումով հայ ֆրանսիացի իր գործընկեր Սերժ Ավեդիկյանի հետ համատեղ: «Փարաջանով»-ում Ավեդիկյանը մարմնավորում է մաեստրոյին՝ 40-60 տարեկանում: Ֆիլմի աշխատանքները տևել են մոտ 4 տարի: Ֆիլմի բյուջեն հասնում է մոտ 2 մլն եվրոյի:
Օդեսայի 4-րդ միջազգային կինոփառատոնը տեղի կունենա 2013-ի հուլիսի 12-20-ը: Ամբողջական ծրագիրը կհրապարակվի դրանից մեկ ամիս առաջ:
Ծագումով հայ, համաշխարհային ռեժիսոր Սերգեյ Փարաջանովն աշխարհին հայտնի է դարձել «Մոռացված նախնիների ստվերները», «Աշուղ Քերիբ», «Նռան գույնը» և այլ ֆիլմերով:
Սերգեյ Փարաջանովը նաև սեցենարիստ և նկարիչ է եղել. նա հսկայական քանակությամբ նկարներ և կոլաժներ է ստեղծել:
1965-1968 թթ. Փարաջանովը բաց դատական գործընթացներին կողմ արտահայտվելու համար ենթարկվել է դաժան քաղաքական հետապնդումների, դատապարտվել է 5 տարվա ազատազրկման:
Մեծ ռեժիսորը 1990 թ. մահացել է Երևանում՝ թոքերի քաղցկեղից:
