2010թ. Երևանի քաղաքապետարանի բյուջեի փաստացի եկամուտները կազմել են մոտ 48 մլրդ 785 մլն դրամ, ծախսերը` 47 մլրդ 890 մլն դրամ: Այս մասին «Առաջին լրատվականի» հետ զրույցում ասաց Երևանի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանը:
«Ֆինանսական համահարթեցման մասին» ՀՀ օրենքի համաձայն` 2010թ. Երևանի քաղաքապետարանը ՀՀ պետական բյուջեից ստացել է մոտ 9 մլրդ 95 մլն դրամ դոտացիա: Այսինքն` դոտացիան կազմել է 2010թ. Երևան քաղաքի բյուջեի եկամուտների մոտ 18.6%-ը:
2011թ. ՀՀ պետական բյուջեի մասին օրենքով նախատեսվում է Երևանի քաղաքապետարանին տրամադրել մոտ 8 մլրդ 963 մլն դրամի դոտացիա (այսինքն` 2010թ. համեմատ մոտ 1.5%-ով քիչ):
