Թաիլանդում ճանապարհա-տրանսպորտային պատահարի հետևանքով զոհվել են բրիտանացի երկու հեծանվորդներ՝ Փիթեր Ռութը և Մերի Թոմփսոնը, որոնք իրականացնում էին շուրջերկրյա ճանապարհորդություն:
Ինչպես հաղորդում է Vesti.ru-ն`վկայակոչելով Մեծ Բրիտանիայի ԱԳՆ-ին, պատահարը տեղի է ունեցել փետրվարի 13-ին:
Փիթեր Ռութը և Մերի Թոմփսոնը 34-ամյա նկարիչներ էին, որոնք շուրջերկրյա ճամփորդության էին դուրս եկել 2011 թ. հուլիսին: Իրենց ճամփորդությունը նրանք անվանել էին «Երկուսը չորս անիվների վրա»՝ Ջերոմ Կ. Ջերոմի «Երեքը չորս անիվների վրա» գրքի համանմանությամբ:
Ողբերգության պահին նրանք հեծանիվով հասցրել էին անցնել 23 երկիր, այդ թվում՝ Ֆրանսիա, Իտալիա, Ավստրիա, Շվեյցարիա, Գերմանիա, Հունաստան, Մակեդոնիա, Հունգարիա, Սերբիա, Սլովենիա, Ղազախստան, Վրաստան, Տաջիկստամ, Ղրղըզստան, Ուզբեկստան, Թուրքմենստան, Թուրքիա, Իրան, Վիետնամ, Կամբոջա և Չինաստան:
Ռութը և Թոմփսոնը ճամփորդությունից ստացած տպավորությունները կիսում էին համացանցում իրենց էջում, որը կոչվում էր Two On Four Wheels.
