Վիճաբանություն` 4/10 ընտրատեղամասի հանձնաժողովի նախագահի և նույն ընտրատեղամասի հանձնաժողովի քարտուղարի միջև: Հանձնաժողովի քարտուղարը, ով «Ժառանգություն» կուսակցության պատգամավոր Զարուհի Փոստանջյանի դուստրն է, արձանագրել է խախտում՝ կրկնակի քվեարկության դեպք քաղաքացի Սոնա Միքայելի Վարդանյանը, ով եկել էր ընտրատեղամաս` կատարելու իր պարտքը, տեսել է, որ իր անուն ազգանունի դիմաց արդեն ստորագրել և քվեարկել են:
Այս մասին քաղաքացին տեղյակ է պահել հանձնաժողովի նախագահին, ով թույլ է տվել, որ տվյալ քաղաքացին մեկ անգամ ևս քվեարկի` պատճառաբանելով, որ անուն ազագնունը համպատասխանում էր, բայց անձնագրի սերիան չէր համապատասխանում: Կրկնակի քվեարկության փաստ արձանագրելով` Լուսինե Դրամբչյանը կազմել է արձանագրություն:
Հանձնաժողովի քարտուղարը ԳԱԼԱ-ի լրագրողի հետ զրույցում ասել է, որ տեղի է ունեցել ընտրախախտում, մինչդեռ հանձնաժողովի նախագահը հերքել է այդ տեղեկատվությունը` պատգամավորի դստերը մեղադրելով ստախոսության մեջ: Բացի այդ արձանագրությունից, ըստ Լուսինե Դրամբչյանի, նույն ընտրատեղամասում Սերժ Սարգսյանի երկու վստահված անձինք են եղել, ինչը օրենքի խախտում է:
Այդ պահին, երբ ԳԱԼԱ-ի նկարահանող խումբը ևս ֆիքսել է, որ Սերժ Սարգսյանի երկու վստահված անձինք միաժամանակ գտնվել են ընտրատեղամասում, հանձնաժողովի նախագահի քարտուղարի և վստհաված անձի միջև նորից ծագել է լեզվակռիվ: Նշենք, որ 4/10 ընտրատեղամսի նախագահը ՀՀԿ –ից է:
