Այսօր՝ 2013թ. փետրվարի 18-ին, Հայաստանի Հանրապետությունում տեղի են ունենում նորանկախ Հայաստանի պատմության մեջ վեցերորդ նախագական ընտրությունները: Առավոտյան ժամը 08:00-ից մեկնարկել է նախագահական ընտրությունների քվեարկությունը: Ընտրողները իրենց քաղաքացիական պարտքը կկատարեն 1988 ընտրական տեղամասերում: Քվեարկությունը կավարտվի երեկոյան 20:00-ին:
Կենտրոնական ընտրական հանձնաժողովը ընտրողների մասնակցության վերաբերյալ տեղեկությունները կհրապարակի երեք ժամը մեկ: Ընտրությունները կհամարվեն կայացած, եթե դրանցում մասնակցեն ընտրողների կեսից ավելին: Առաջին փուլում հաղթելու համար թեկնածուները պետք է ստանան քվեների 50 տոկոսը + 1 ձայն:
Հայաստանի նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, «Ժառանգություն» կուսակցության ղեկավար Րաֆֆի Հովհաննիսյանը, «Ազատություն» կուսակցության առաջնորդ, նախկին վարչապետ Հրանտ Բագրատյանը, «Ազգայի ինքնորոշում միավորում» կուսակցության նախագահ Պարույր Հայրիկյանը, «Ռադիո հայ» ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը, և էպոսագետ Վարդան Սեդրակյանը:
Լուսանկարը՝ PanARMENIAN Photo-ի
