Անցած տարի դեկտեմբերին Հայաստանից Չինաստան է ուղարկվել հայկական գինիներով առաջին կոնտեյները: Ինչպես «Առաջին լրատվական»-ի հետ զրույցում հայտնեց Հայկական զարգացման գործակալության գլխավոր տնօրեն Ռոբերտ Հարությունյանը, այդ խմբաքանակը թույլ կտա չինացիներին ծանոթանալ հայկական գինիներին:
Ռ. Հարությունյանի խոսքով՝ անցած տարի հիմնականում շարունակվել է սննդարդյունաբերության ոլորտի արտադրանքի արտահանումը՝ ձկնամթերք, պահածոներ, հյութեր, ալկոհոլ՝ կոնյակ և գինի, քար, ապակյա տարաներ, դեղագործական արտադրանք և այլն: Ընդ որում՝ դեղերի արտահանումն ավելացել է 32%-ով: Արտահանման առումով ՀՀ հիմնական գործընկերը Ռուսաստանն ու ԱՊՀ մյուս երկրներն են: Որոշ՝ փոքր քանակով գինի անցած տարի արտահանվել է Եվրոպա, սակայն, ըստ Հարությունյանի, ծավալները լուրջ չեն:
Այս տարի ԶՀԳ-ն շարունակելու է պանրի բրենդի առաջխաղացումը և պանրի արտահանման ծրագիրը: «Խնդիրը հումքն է. դա լուծելու համար հարկավոր է խոշոր տնտեսություններ ձևավորել: Այդ ուղղությամբ արդեն աշխատանքներ են տարվում, որոնց արդյունքների մասին ավելի ուշ կխոսենք»,- ասաց Խ. Հարությունյանը:
