«Տրոյկա դիալոգ» ընկերության տնօրենների խորհրդի նախագահ Ռուբեն Վարդանյանը չի կարող տեղ զբաղեցնել «Սբերբանկի» կառավարման խորհրդում: Այս մասին հայտնել է «Սբերբանկի» կառավարման խորհրդի փոխնախագահ Անդրեյ Դոնսկիխը: Նա ասել է, որ նույն մարդը, «Բանկերի մասին» օրենքով, չի կարող միանգամից երկու նմանատիպ կազմակերպությունում պաշտոն զբաղեցնել:
Նրա խոսքերով, Վարդանյանը կմնա «Տրոյկայի» տնօրենների խորհրդում: Այս պահին ընթանում են այդ ընկերության՝ «Սբերբանկի» հետ ինտեգրման գործընթացները, որի համար ստեղծվել է ինտեգրման կոմիտե:
Հիշեցնենք, որ անցած ամիս «Սբերբանկը» գնեց Ռուբեն Վարդանյանի «Տրոյկա դիալոգ» ներդրումային ընկերությունը, որից հետո կարծիքներ հնչեցին, թե Ռուբեն Վարդանյանը կարող է տեղ զբաղեցնել «Սբերբանկի» կառավարման խորհրդում:
