Գերմանիայի Համբուրգ քաղաքի կենտրոնում գտնվող լյութերական եկեղեցու շենքը և դրան կից 44-մետրանոց աշտարակը հողակտորի հետ վաճառել են իսլամական «Էլ-Նուր» կենտրոնին, որը մտադիր է այդ տարածքում մզկիթ կառուցել:
Եկեղեցին համարվում էր քաղաքի մշակութային ժառանգություն, սակայն ֆինանսական խնդիրների և քիչ այցելուների պատճառով այն 2002-ից փակվել է:
2012-ի նոյեմբերին Համբուրգի իշխանությունները տեղի մահմեդական համայնքի հետ ստորագրել են պայմանագիր, որով նրանց մզկիթներ կառուցելու, աղոթատներ, կրթական և այլ հաստատություններ բացելու իրավունք է տրվում:
Ներկայումս Համբուրգում բնակվում է մոտ 200 հազար մահմեդական:
Գերմանիայում ամենաիսլամացած քաղաքը համարվում է Դույսբուրգը, որտեղ յուրաքանչյուր 5-րդ բնակիչը թուրք մահմեդական է: 2008թ. այստեղ բացվել է երկրում ամենամեծ մզկիթը՝ թուրքական ոճով,- հաղորդում է Umma.ua-ն:
Գերմանիայում գործում են հարյուրավոր մզկիթներ, ավելի քան 120-ը դեռևս կառուցման փուլում են:
