«Հրապարակ» թերթը գրում է. «Թուրքական քաղաքական վերնախավի ցայտնոտը վերածվել է շանտաժի: Շանտաժի մի ամբողջ փաթեթով ԱՄՆ-ում է արտաքին գործերի նախարար Չավուշօղլուն, ով Վաշինգտոնում հանդիպումներ է ունենում Պետական դեպարտամենտում և այլ հաստատություններում՝ հասկացնելով, որ եթե ԱՄՆ-ն գործադիր իշխանության մակարդակով ճանաչի հայերի ցեղասպանությունը, ապա Թուրքիան որևէ աջակցություն չի ցուցաբերի ԱՄՆ-ին Մերձավոր Արևելքում, արաբական աշխարհում, «Իսլամական պետության» դեմ պայքարում, Սիրիայում, Իրաքում և այլն:
Ավելին, Թուրքիան կարող է սառեցնել ԱՄՆ-ից գնվող զենքի գործարքները, որոնք մի քանի տասնյակ միլիարդ դոլարի են հասնում: Թուրքիան պահանջում է, որ ԱՄՆ-ն ոչ միայն չճանաչի հայերի ցեղասպանությունը, այլև ձեռնպահ մնա Երևան բարձրաստիճան պաշտոնյա ուղարկելուց:
Նմանատիպ այլ փաթեթով էլ օրեր առաջ ՄԱԿ էր ժամանել Թուրքիայի վարչապետ Դավութօղլուն, իսկ երեկ էլ՝ փոխվարչապետ Ալի Բաբաջանը: Թուրքիան սպառնում է ՄԱԿ-ին որևէ աջակցություն չցուցաբերել ամենատարբեր ծրագրերում, եթե ՄԱԿ-ը բարձր մակարդակով ներկայացված լինի Երևանում ապրիլի 24-ին:
Մանրամասները՝ սկզբնաղբյուր կայքում
