Համացանցում հայտնվել է տեսանյութ, որում պատկերված է վանդակում փակված ատամնավոր հրեշ, որին տեսանյութի հեղինակը բռնել է չինական Շենչժեն ջրամբարում: Այդ սարսափելի էակն առանց առանձնակի ջանքերի կրծում է պողպատե մետաղալարերը: YouTube-ի օգտատերերը գուշակում են հրեշի ծագումը՝ հայտնում է Daily Mail-ը:
Հրապարակված կադրերում երևում է, որ տարօրինակ կենդանին գրեթե վերջին շնչում է, սակայն միևնույն է՝ շարունակում է կրծել մետաղական վանդակը, ընդ որում՝ բավական հաջող: Կենդանու վերաբերյալ համացանցի օգտատերերի կարծիքները տարբեր են:
Ոմանք կարծում են, որ հոլովակի հեղինակը հազվագյուտ արջի ճաղատ ձագ է բռնել: Մյուսները վստահ են, որ տեսանյութում պատկերված է «մուտանտ», որի գենետիկ կոդը դեֆորմացվել է Շենչժեն ջրամբարի մեծ աղտոտվածության հետևանքով:
Իսկ կենդանաբան Դևիդ Նիլը կարծում է, որ հրապարակված տեսանյութը նկարահանվել է ոչ թե Չինաստանում, այլ Բոռնեո կղզում։ Հաղորդվում է, որ վերջերս այնտեղ նման հրեշ են տեսել: Առայժմ ոչ ոք չի կարողանում ստույգ նույնականացնել ատամնավոր կենդանուն:
https://youtu.be/GSJcJKDsAcs
