Saab ընկերությունը Շվեդիայի պաշտպանության նախարարության հետ հաջորդ սերնդի JAS 39 Gripen կործանիչներ մշակելու պայմանագիր է կնքել: Ընկերության կայքում հաղորդվում է, որ համաձայնությունը հաշվարկված է 2013-2026 թվականներին և նախատեսում է նաև կործանիչներ ստեղծել Շվեյցարիայի համար, հայտնում է lenta.ru-ն:
Փետրվարի 15-ին Շվեդիայի պաշտպանության նախարարությունը 2013-2014 թթ. համար 395 մլն դոլար արժողությամբ Gripen E կործանիչների նախնական պատվեր է տվել: Համաձայնության ընդհանուր արժեքը գնահատվում է 7.47 մլրդ դոլար:
Հայտնում են, որ պայմանագրի շրջանակներում Saab-ը 60 JAS 39 Gripen C միատեղ կործանիչ կարդիականացնի մինչև E տարբերակի: Առաջին ինքնաթիռների առաքումը սպասվում է 2018-ին:
Ավելի վաղ հայտնում էին, որ Շվեդիայի պաշտպանության նախարարությունը 60 Gripen E կործանիչ գնելու թույլտվություն է ստացել: Gripen NG ծրագրի բյուջեն գնահատվում է 14 մլրդ դոլար: Իսկ Շվեյցարիան պետք է 2.43 մլրդ դոլարով 22 շվեդական ինքնաթիռ ստանա:
Saab-ի մամլո հաղորդագրության մեջ նշված է, որ Gripen E-ն կպահպանի սովորական արտաքին տեսքը, բայց էականորեն կտարբերվի նախորդ սերունդների կործանիչներից: Այն կունենա ավելի հզոր շարժիչ, որի շնորհիվ ինքնաթիռը կկարաղանա ավելի շատ լինել օդում և ավելի շատ զենք տեղափոխել: Կործանիչը կունենա նոր ռադար, ներսում՝ ժամանակակից էլեկտրոնիկա:
Gripen NG ծրագիրը մեկնարկել է 2008-ին: Այդ ժամանակից E տարբերակի (միտեղանոց) և F տարբերակի (երկտեղանոց) ինքնաթիռները թռել են ավելի քան 250 ժամ: Փորձարկումներն արվել են Շվեդիայում, Մեծ Բրիտանիայում, Հնդկաստանում և Շվեյցարիայում: