«Ես պարզապես ձերբակալությունները վախկոտ իշխանության քայլ եմ համարում և պահանջում քաղաքական բանտարկյալների ազատ արձակումը»,- «Առաջին լրատվական»-ի հետ զրույցում անդրադառնալով ՀԽ անդամների ձերբակալությանը՝ ասաց «Ժառանգություն» կուսակցության նախագահ Րաֆֆի Հովհաննիսյանը՝ հավելելով, որ քաղաքացիներին բանտարկում են իրենց սահմանադրորեն պաշտպանված ազատ խոսքն արտահայտելու համար: Ըստ նրա՝ ազատ խոսք արտահայտելու իրավունք ունեն ցանկացած օր, այդ թվում՝ ապրիլի 24-ին:
«Ապրիլի 24-ը կյանքի օրն է, հանրության օրն է, ոչ միայն մեր խաչելության 100-րդ տարելիցի: Ապրիլի 24-ը պետք է նոր ապագա մեզ ուղենշի. մյուս օրը պիտի լինի արևածագ, արշալույս: Չենք կարող աշխարհից ակնկալել արդարության ճանաչում, եթե մեր ներսում կա այդ անարդարությունը»,- ասաց նա:
Րաֆֆի Հովհաննիսյանի կարծիքով՝ բոլոր քաղբանտարկյալների անհապաղ ազատ արձակումը բխում է պետության շահերից:
Րաֆֆի Հովհաննիսյանը նաև նշեց, որ դեռ չեն քննարկել ապրիլի 24-ի հանրահավաքին մասնակցելո՞ւ են, թե՞ ոչ, բայց հարգում են մյուսների ազատ խոսքի իրավունքը:
Մանրամասները՝ տեսանյութում:
