Ամերիկյան «Թեոդոր Ռուզվելտ» ավիակիրը ուղևորվում է Եմենի առափնյա ջրեր, որպեսզի ԱՄՆ ռազմածովային ուժերի այլ նավերի հետ կանխարգելի իրանական զենքի մատակարարումները հութի ապստամբներին: Այս մասին հաղորդում է Associated Press-ը՝ վկայակոչելով Պենտագոնի աղբյուրին:
Նշվում է, որ Ադենի ծոցի շրջանում այժմ գտնվում է 9 ամերիկյան ռազմանավ, այդ թվում՝ հածանավեր և ականակիրներ: Նավաստիների առջև խնդիր է դրված կալանել իրանական ցանկացած նավ, որում կարող է լինել հութիների համար զենք:
Սակայն Պենտագոնում պաշտոնապես հայտարարել են, որ ամերիկյան նավերի առջև չի դրվել իրանական նավեր կալանելու խնդիր: