Կիրակի օրը Մինեապոլիս (Մինեսոտա նահանգ) և Սան Դիեգո (Կալիֆոռնիա նահանգ) ամերիկյան քաղաքների իրավապահները ձերբակալել են 6 մարդու՝ ահաբեկչական գործունեությանը մասնակցելու կասկածանքով: Այս մասին հայտնում է StarTribune թերթը:
«Բնակչությանը սպառնացող վտանգ չկա»,- պարբերականը մեջբերում է Մինեսոտայի դատախազության պաշտոնական ներկայացուցիչ Բեն Փիթոքի խոսքերը:
Կատարվածի մասին լրացուցիչ տեղեկություն կտրամադրվի մամլո ասուլիսի ժամանակ, որը տեղի կունենա մոտ օրերս: Դրան կմասնակցեն ԱՄՆ ՀԴԲ և դատախազության ներկայացուցիչներ:
Թերթի տեղեկությամբ՝ ձերբակալվել են Սոմալիից երիտասարդ բնիկներ, որոնք կարող էին կապված լինել ԴԱԻՇ («Իրաքի և Շամի իսլամական պետություն») և «Աշ-Շաբաբ» ահաբեկչական խմբավորումների հետ:
