ԱՄՆ 13 նախագահների ժամանակ երկիրը ներգրավված է եղել ռազմական հակամարտությունների մեջ, սակայն նրանցից 5-ը իրենց այնքան էլ լավ չեն դրսևորել, կարծում է National Interest ամսագրի տեսաբան Ռոբերտ Մերրին: Նրանց թվում են ինչպես հայտնում է RIA Novosti-ն, Վուդրո Վիլսոնը, Հարրի Թրումենը, Լինդոն Ջոնսոնը, Ջորջ Բուշ Կրտսերը:
Մերրիի կարծիքով՝ Վուդրո Վիլսոնի սխալը Առաջին համաշխարհայինի ժամանակ ԱՄՆ «ներքին ճակատի» նկատմամբ անուշադրությունն էր, ինչի հետևանքով երկրի տնտեսությունը փլուզվեց:
Նախագահ Լինդոն Ջոնսոնը Վիետնամին պատերազմ հայտարարեց՝ որքան հնարավոր է շատ կոմունիստների սպանելով:
Հարրի Թրումենի նախագահության երկրորդ ժամկետում ԱՄՆ-ը ներքաշվեց Կորեական պատերազմի «ձգձգվող ցավագին փակուղում», ինչը հանգեցնելու էր կա՛մ ռազմավարական կործանարար պարտության, կա՛մ համաշխարհային պատերազմի:
Ջորջ Բուշ Կրտսերը, ըստ Մերրիի, «հայտնվեց նախագահի ճանապարհին առաջացած ամեն մի թակարդի մեջ, որը տանում է դեպի պատերազմ»՝ նկատի ունենալով Իրաքի պատերազմը ու Մերձավոր արևելքում արմատականության ավելացումը:
Բարաք Օբամայի խնդիրը դա կարգավորելն էր, սակայն այն չհաջողվեց ռազմավարության բացակայության պատճառով: Օբաման նպաստեց Սիրիայիում, Լիբիայում իրավիճակի անկայունացմանը, աջակցեց Մուբարաքի դաշնակիցների իշխանազրկմանը, սակայն լռեց, երբ երկիր եկավ «Մուսուլման եղբայրները»:
«Նա անբարենպաստ իրավիճակ ժառանգեց, իսկ դա նրա նախագահության ժամանակ առավել վատթարացավ: Սա ռազմական հաջողության պատմություն չէ»,- եզրակացնում է նա: