Ռուսաստանը սկսում է ավելի նշանակալի ռազմավարական դեր խաղալ Մերձավոր Արևելքում, այն դեպքում, երբ ԱՄՆ-ը աստիճանաբար դուրս է գալիս խաղից, գրում է անգլիական The Economist պարբերականը:
Պարբերականը նշում է, որ Ռուսաստանի ազդեցությունը Մերձավոր Արևելքում զգալիորեն նվազել էր ԽՍՀՄ-ի փլուզումից հետո, իսկ վերջին տարիներին` արաբական գարնան իրադարձությունների հետևանքով: «Սակայն աժմ, երբ ամեն տեղ սկսել են արձագանքել այդ ելույթներին, Ռուսաստանը թվում է ավելի ավտորիտար վարչակարգ, որն ավելի համապատասխան դաշնակից է, քան Ամերիկան»,- մեկնաբանում է իրավիճակը անգլիական շաբաթաթերթը և որպես օրինակ բերում է Եգիպտոսի նախագահ Աբդել Ֆաթթահ Ալ-Սիսիին, որը բարելավել է հարաբերությունները Ռուսաստանի հետ այն բանից հետո, երբ ԱՄՆ-ը մեջքով կանգնեց Եգիպտոսից:
Իրանին զենք մատակարարելու Ռուսաստանի որոշումը կարևոր փոփոխություններ է խորհրդանշում տարածաշրջանում: Ռուսաստանը սկսում է ավելի նշանակալի դեր խաղալ մերձավոր Արևելքում, այն ժամանակ, երբ ԱՄՆ-ը աստիճանաբար դուրս է գալիս խաղից: Երկրորդ՝ Կրեմլն այժմ կարող է խոչընդոտել ամերիկյան ռազմավարության իրագործմանը, չնայած այն հանգամանքին, որ Ռուսաստանը տնտեսական Արևմուտքի կողմից ճնշման տակ է Ուկրաինայում իր քաղաքականության պատճառով: Բացի դրանից՝ Ռուսաստանը, ամենայն հավանականությամբ, հույս ունի ստանալ տնտեսական պարգևատրման իր չափաբաժինը Իրանում, հենց որ պատժամիջոցները չեղյալ հայտարարվեն:
Իրանը С-300 զենիթա-հրթիռային համալիրները պատվիրել էր 2007թ., սակայն Ռուսաստանը դադարեցրեց վաճառքը միջազգային հանրության ճնշման ներքո: Դեռևս հայտնի չէ՝ երբ Իրանը կստանա այդ համալիրները (Իրանի ներկայացուցիչները պնդում են, որ մինչև տարեվերջ):
