Եվրոպան պաշտպանված է Հունաստանի ֆինանսական համակարգի խնդիրներից՝ կարծում է Ֆրանսիայի ֆինանսների նախարար Միշել Սափենը։ Այս մասին հաղորդում է Reuters-ը:
«Եթե Հունաստանում որևէ ճգնաժամ տեղի ունենա, այն հետևանքներ կունենա այդ երկրի քաղաքացիների համար, ոչ թե եվրոգոտու մյուս երկրների: Մենք արդեն այն վիճակում չենք, ինչպես 4 կամ 5 տարի առաջ»,- հայտարարել է Սափենը:
Վերջինիս խոսքով՝ «Եվրոպան դարձել է առավել ուժեղ և պաշտպանել է իրեն փոթորիկներից: Վտանգ կա Հունաստանի համար»:
«Հունաստանը պետք է հարգի բոլոր երկրների կողմից ընդունված կանոնները: Հունաստանը ստորագրել է ոչ միայն հուշագիր, այլև պայմանագրեր, պարտավորություններ: Այդ պարտավորություններին պետք է հետևել»,- ընդգծել է նախարարը:
