Ժամանակակից գնացքները մեքենաներից արագընթաց են: Իրականում անգամ սուպերմեքենաները չեն հասցնի bullet-train կոչվող շարժակազմերի հետևից, գրում է vestifinance.ru-ն:
Բազմաթիվ երկրներում արագընթաց գնացքները ստեղծվել են դեռ անցած դարի կեսին՝ հնարավորություն տալով մարդկանց քաղաքից քաղաք տեղաշարժվել կարճ ժամանակում:
Ներկայացնենք ամենաարագընթաց գնացքների վարկանիշային աղյուսակը:
5. ICE (Գերմանիա)
Ճեպընթացի ամենանոր վարկածը կոչվում է ICE 3 և ստեղծվել է Siemens-ի ու Bombardier-ի ղեկավարությամբ: Գնացքի առավելագույն արագությունը հասնում է 407 կմ/ժ-ի, իսկ շահագործմանը՝ 320 կմ/ժ-ի:
4. Shanghai Transrapid (Չինաստան)
Գնացքի ստեղծման վրա ՉԺՀ-ն ծախսեց 10 մլրդ յուան: Արդյունքում՝ հենց Չինաստանում ստեղծվեց մագնիսական բարձիկների վրա առաջին ճեպընթացը: Արագությունը հասնում է 431 կմ/ժ ի: Ամեն օր այն տեղափոխում է չորս մլն ուղևորի:
3. Harmony CRH380A (Չինաստան)
Գնացքի առավելագույն արագությունը 486 կմ/ժ է, այն ստեղծվել է CSR Qingdao Sifang Locomotive-ի ու Rolling Stock-ի կողմից: Սովորական ռեժիմում այն կարող է տեղաշարժվել 380 կմ/ժ արագությամբ: Գնացքը շահագործման հանձնվեց 2010-ին: Այսօր այս մոդելը տեղաշարժվում է չորս կարևորագույն ուղղություններով, այդ թվում՝ Պեկին-Շանհայ ուղղությամբ:
2. TGV/AGV (Ֆրանսիա)
TGV-ի (Trainà Grande Vitesse) առաջին մոդելները հայտնվեցին դեռ յոթանասունականներին: Համարվում է, որ հենց Ֆրանսիան Եվրոպայի համար խթան հանդիսացավ արագընթաց երկաթուղիների կառուցման համար: Այն հավաքում են TGV Alstom-ն ու Bombardier-ը:
Ամենաարագ ֆրանսիական սուպերգնացքները տեղաշարժվում են 320 կմ/ժ արագությամբ: TGV-ները օգտագործվում են ոչ միայն Եվրոպայում, այլև Հարավային Կորեայում ու անգամ ԱՄՆ-ում:
1. MLX01 (Ճապոնիա)
Ահա գնացքների չեմպիոնը: JR Central ընկերության գնացքը կարող է զարգացնել մինչև 590 կմ/ժ արագություն: Այն ստեղծողները պնդում են, որ իրենց գնացքը կարող է տեղաշարժվել ավելի արագ: Հաջորդ շաբաթ կարող է նոր ռեկորդ սահմանվել: Համաձայն պաշտոնական կանխատեսումների՝ գնացքը կարող է մեկ ժամում անցնել մինչև 372 մղոն ճանապարհ, այսինքն՝ շարժվել 600 կմ/ժ արագությամբ: Վերջնարդյունքում հնարավոր է, որ այն հաղթահարի ժամում 610 մղոնի արգելքը:
