«Ֆորսաժ 7»-ը վարձույթի 17 օրում հավաքել է ավելի քան 1 մլրդ դոլար։ Այս մասին հայտնում է The Hollywood Reporter-ը։ Այդ արդյունքը նոր ռեկորդ է դարձել։ Ավել վաղ «Ավատար» ու «Հարի Փոթերն ու մահվան պարգևները» ֆիլմերը համաշխարհային վարձույթում նման գումար էին հավաքել 19 օրում։
Բացի այդ, ավտոարշավորդների մասին ֆիլմը դարձել է Universal ստուդիայի առաջին ֆիլմը, որն աշխատել է ավելի քան 1 մլրդ դոլար։
Ըստ գնահատականների՝ ընդհանուր գումարը կարող է հասնել 1.4 մլրդ դոլարի։
«Այն, ինչ սկսվել է որպես փոքր ֆիլմ Լոս Անջելեսում փողոցային ավտոարշավների ենթամշակույթի մասին, դարձել է ողջ երկրագնդի շատ վայրերում գլոբալ երևույթ։ Մենք ուրախ ենք տոնելու այդ նվաճումը մեր գործընկերների հետ»,- հայտարարել է ընկերության ներկայացուցիչը։
