Շատերը չէին հավատում, որ Մայքլ Դուգլասի ու Քեթրին Զետա-Ջոնսի ամուսնությունը կդիմանա ժամանակին: Նրանց տարիքային տարբերությունը 25 տարի է: Դրանից բացի, շատ աստղային զույգերի դժվար է նորմալ ընտանեկան հարաբերություններ պահպանել անդադար նկարահանումների ու դրա հետ կապված այլ հանգամանքների պատճառով, գրում է Spletnik.ru-ն:
Սակայն այս տարի դերասանները կկարողանան նշել իրենց համատեղ կյանքի 15-րդ տարին:
Սակայն նրանց ընտանեկան կյանքը ոչ միշտ է հարթ եղել: Հիշեցնենք, որ 2013 թ. Դուգլասն ու Զետա-Ջոնսը որոշ ժամանակ առանձին են ապրել: Սակայն նրանց հաջողվել է հաղթահարել դժվարություններն ու պահպանել ամուսնությունը:
Բոլորովին վերջերս Մայքլը հյուրընկալվել է Էլեն ԴեՋեներեսին, պատմել իր 45-ամյա կնոջ հետ հարաբերությունների մասին. «Եթե դուք երկուսդ էլ փորձում եք ուղղել իրավիճակը, ապա կստացվի: Միայնակ դժվար է հարթել ընտանեկան խնդիրները: Կարծում եմ՝ յուրաքանչյուր ընտանիք էլ դժվարություններ է ունենում: Սակայն մեր իրավիճակում ավելի դժվար է, քանի որ մենք հանրային դեմքեր ենք: Այդ պատճառով էլ մեր կյանքն անընդհատ ուշադրության կենտրոնում է գտնվում: Սակայն ես գժվում եմ կնոջս համար: Մենք կրկին միասին ենք և ավելի ուժեղ, քան երբևէ»,- կիսվել է դերասանը:
Հիշեցնենք, որ Մայքլ Դուգլասը և Քեթրին Զետա-Ջոնսը ամուսնացել են 2000 թ.: Ամուսինները երկու երեխա ունեն:
