Էքշն-տեսախցիկ արտադրող GoPro ընկերության հիմանդիր Նիք Վուդմանն առաջին տեղն է զբաղեցրել 2014 թ. ԱՄՆ-ի ամենաբարձր վարձատրվող գլխավոր տնօրենների ցուցակում: Այս մասին հայտնում է Lenta.ru-ն՝ վկայակոչելով Bloomberg Pay Index-ի վարկանշային ցուցակը:
Անցած տարվա հունիսին Վուդմանն ընդհանուր 284,5 մլն դոլար արժողությամբ 4,5 մլն բաժնետոմս է ստացել: Դրանից 3 շաբաթ հետո նրա GoPro ընկերությունը դուրս է եկել IPO: Այդպիսով, Վուդմանն առաջ է անցել ամենաբարձր վարձատրվող ղեկավարների վարկանշային ցուցակի նախորդ առաջատարից՝ Cheniere Energy-ի ղեկավար Չարիֆ Սուկիից: Նրա փոխհատուցումը մինչև 2013 թ. վերջ գնահատվում է 281 մլն դոլար:
Ընկերության զեկույցի համաձայն՝ 2013 թ. Վուդմանի աշխատավարձը կազմել է 800 000 դոլար: Եվս 1 մլն դոլար նա ստացել է որպես պարգևատրում: Ընկերությունը նաև մոտ 50 000 դոլար է ծախսել նրա անձնական տաքսու համար:
Վուդմանը GoPro-ում ամենամեծ բաժնի տերն է: Ըստ Bloomberg Billionaires Index-ի՝ նրա կարողությունը գնահատվում է 2,4 մլրդ դոլար:
Bloomberg Pay Index-ը 100 ամենաբարձր վարձատրվող թոփ-մենեջերներին ընտրում է ընկերությունների պարտադիր զեկույցի հիման վրա, որոնք առևտրի մեջ են ամերիկյան բորսաներում: Տվյալները թարմացվում են յուրաքանչյուր աշխատանքային օր` նոր տեղեկության ստացման հետ:
