Գերմանիայի գլխավոր դատախազությունը Գերմանիայից դուրս եկած իսլամիստներին կասկածում է ԴԱԻՇ-ի սիրիական բանտերում, որտեղ պահվել են ԱՄՆ-ի, Բրիտանիայի և Ճապոնիայի հետագայում գլխատված քաղաքացիներ, որպես դահիճներ աշխատելու մեջ: Նրանք նաև մասնակցում են գերիների կտտանքներին, հաղորդում է գերմանական Sueddeutsche Zeitung պարբերականը:
Գերմանացի իրավապահները նման ենթադրություններ են արել Գերմանիայի 27-ամյա քաղաքացու ցուցմունքների հիման վրա, ով մեկ տարվա ընթացքում գտնվել է ԴԱԻՇ-ի տարբեր բանտերում, այդ թվում՝ սիրիական Հալեպ քաղաքի բանտում, և ով անցած տարվա հունիսին չպարզված հանգամանքներում ազատության մեջ է հայտնվել: Իր բանտարկության ժամանակ նա շատ մարդկանց հետ է ծանոթացել, որոնց հետագայում գլխատել են, այդ թվում նաև՝ Ջեմս Ֆոլիի և Սթիվեն Սոթլովի հետ, մեկ անգամ ներկա է եղել գերիներից մեկի մահապատժին, անձամբ տեսել է հայտնի դահիճ «Ջիհադի Ջոնին»:
Նախկին գերին պատմել է նաև, որ գերմանացի իսլամիստները ԴԱԻՇ-ի բանտերում ոչ միայն որպես հսկիչներ են աշխատում, այլև ակտիվորեն մասնակցում են կտտանքներին:
ԴԱԻՇ-ի բանտերում, ինչպես վկայում են նախկին գերիները, սարսափելի կտտանքներ են կիրառվում, ավելացնում է պարբերականը:
