Հնդկաստանից, Կամբոջայից և Թաիլանդից մաքսանենգ ապրանքները, որոնց արժեքը ավելի քան 100 միլիոն դոլար է գնահատվում, Ամերիկա-հնդկական երկամյա համատեղ աշխատանքից հետո հայտնաբերվել են Նյու Յորքում, հաղորդում է New York Times-ը:
Հնդկաստանից, Կամբոջայից, Թաիլանդից և Ասիայի այլ երկրներից ավելի քան մեկուկես հազար իրեր պահվել են ծագումով հնդիկ ԱՄՆ-ի քաղաքացի Սուբհաշ Կապուրին պատկանող թաքստոցներում, որը ներկա պահին Հնդկաստանում սպասում է հին իրերի մաքսանենգության մեղադրանքով դատական գործի լսումներին, ասվում է հաղորդագրության մեջ: Մաքսանենգային այս հավաքածուն ԱՄՆ-ի հնությունների շուկայի պատմության մեջ խոշորագույնն է:
2012թ. Կապուրին պատկանող Art of the Past ցուցասրահում մի քանի գտածոներ են հայտնաբերվել, որոնք ենթադրվում է, որ հափշտակվել են Հնդկաստանում: Այստեղից էլ սկսվել է Hidden Idol հետաքննությունը: Ինքը՝ 65-ամյա Կապուրը չի ընդունում իր մեղքը, սակայն նրա նախկին մենեջերն ու քույրը համագործակցում են հետաքննության հետ, հաղորդում է պարբերականը: Հենց այս համագործակցության շնորհիվ էլ նյույորքցի ոստիկաններին հաջողվել է գտնել թաքստոցները:
